Teu Yakin
Sakedahna mah rindu nu ku anjeun diramu,
Mampu ngajadikeun kuring ngalengkah tanpa ragu,
Muru ka pasisian harepan,
Nu ditunggu-tunggu...
Rindu
Salami rindu masih ngarajaan dina hate..
Teu yakin abdi bisa eureun nuliskeun
Sagalana soal anjeun,
Jeung soal kasono.
Sanes Lepat Abdi
Sanes lepat abdi mun ange payung,
Lepatna hujan turunna rintik.
Sanes lepat abdi upami nyanjung,
Lepatna salira naha bet cantik.
Enjing Ieu
Kamana dunia rek berpihak enjing ieu?
Teu aya iber nu katarima,
Iwal harewos anjeun,
Nu katampi dina sesa impenan wengi tadi..
Tumanya Ka Simpe
Di sajeroeun bimbang,
Kuring tatanya ka peuting,
Simpe,,,
Taya jawaban.
Bulan jempe,
Bentang ge ciga nu wegah ngumbar sinar.
Kamana atuh hate rek eunteup ???
Hampura
Hampura...
Uwink Rumasa,
Lain jalma hade rupa hade lampah,
Anu bisa merenahkeun kata jeung kalimah,
Nyasar rasa nalaah manah.
Hampura...
Lamun hiji omongan nganyerikeun,
Moal aya haseup lamun euweuh seuneu,
Sagalana oge,
Alatan aya cukang lantarana ...
Isuk-isuk
Isuk-isuk teh mangrupa salah sahiji berkah nu endah.
Teu masalah rek mendung atawa cerah.
Lantaran isuk-isuk teh awal
Pikeun ngamimitian hiji kahirupan.
Wilujeng enjing..
Sumber : Oedzank Thea
Tidak ada komentar:
Posting Komentar